超級銀行馬 (2018/4/15 賽後筆記)



執筆之時, 曼聯對戰西布朗 0:1 , 賽前一隊為聯賽亞軍, 剛挫敗榜首曼城, 另一隊為下游份子而且劣績斑斑, 本身對足球並非有特別研究, 但賽前開出的賠率應該是一面倒的傾向曼聯, 結果西布朗作客偷雞成功。


4 月15日是一個非常有必要回顧的賽馬日, 全日很多場賽事都可以列入教材, 提醒我們日後應採取何種對策, 我必須強調, 我寫賽後筆記或檢討並非馬後炮用來自娛, 而是希望我們都能夠吸取教訓, 避免重覆犯錯, 最好是從中找到一些有價值對我們日後有幫助的思維。 賽馬是人與人之間的搏奕遊戲, 人們用真金白銀, 用自己的時間、智慧作出下注決定, 在慶祝當日的勝仗的同時, 我們亦決不能輕視每一個失誤, 由於賽馬有很多事情不在我們的控制能力之內, 因此我們更加要 bet smart !


4月15日出現了多匹有投注價值的馬, 以香港的奇怪現象, 那些馬匹很有可能他日出賽仍然是有好分頭的, 我們就給這些馬匹一個統稱 -超級銀行馬 , 記住, 超級銀行馬的特質一定是不起眼, 沒有任何星味, 通常不會是名牌騎師的坐騎, 賽績不穩定,大戶唔鍾意, 而牠們的共通點是好分 !


R1 新馬賽, 我一直覺得新馬賽沒有太大投注價值, 出賽馬偏少, 成熟程度距離大, 質素參差, 派彩乏味, 你見新馬賽的投注額已經可以說明一切, 如有時間, 建議多花精神在其他場次。


R2 全日3場泥地賽的開章, 賽前下過大雨, 場地狀況利前領或後置不明, 跑出全日第一匹有價值的頭馬 - 跑出彩虹 , 5 班馬其實已無甚麼可靠不可靠, 5 班賽長期避開大熱門不買是值得考慮的, 反正不買熱門不會蝕章得去邊, 永常喜之第3是不容易命中的, 如因為5班馬太水, 冇心水, 唔買熱門唔知買乜好, 咁可以考慮留返寶貴注項出擊其他場次。


R3 駿風馳質素不錯, 出道第4場即贏田草1600 , 當然有賴對手亦不算強。首飾大帝明顯搏多了,短期內再出亦難贏。


R4 威武再現欠同父馬泥地數據, 賽前試4課泥閘具誠意, 跑落卻麻麻, 然而捧到3倍幾大熱買一個概念略不值, 賀賢近半季成績甚差, 呢個馬房的馬要有一定倍率先好搏。志友運天生跑法被動, 睇黎只會繼續惹飛繼續近, 4班負重可以棄之。


R5 出現全日第二匹有投注價值的頭馬 - 佳運來 , 無論如何2仗之前才贏馬, 又一次送上大禮, 香港跑馬幾乎係每一季都有類似馬匹出現, 即係贏完之後會冷, 輸幾場之後又贏, 然後又冷… 相反, 有部份馬匹是贏來贏去都贏唔到, 但係又經常熱, 買冷門馬係考驗人類耐性的, 未必每次都會有錢收, 但收一次可以比你輸返好多次, 希望我們可以找到多1-2匹像佳運來這樣的馬, 和這樣的價值。小心揮闖, 落班用放頭呢一招, 唔知係咪同主馬猛闖放頭都 work 所以佢又試下, 本身欠缺星味, 下次再出如肯再放隨時又入3甲。


R6 南莊加寶初次換大師傅, 發揮得好是預期之內的, 有趣的是龍城勁將久休復出報跑 1600, 臨場票如雨下, 輸一頭位之下竟然提出抗議, 真不知道是騎師、練馬師還是馬主提出的 , 睇黎有人買大左.. 但無論如何, 3歲仔增程之急, 一出即跑1600, 我是攪不懂苗廊的部署作風 , 將一匹好馬咁樣玩法。


R7 賽後暫時並沒有驗出亮先生何故走樣, 只能當佢冇跑過, 原來, 賽馬之風險還有一條是莫須有。本場運財童子其實和佳運來一樣, 我開始覺得我們要做一個 list 抄低這些馬, 放入超級銀行馬系列。


R8 代代為王熱至3.幾倍極不合理, 處女馬對住打吡入位馬和大部份2班識贏的馬, 又是買一個概念而已。唔知道大摩同貝湯美 咩事, 分左手都仲要玩佢, 賽後發現佳騰駒氣管內有很多血, 八字唔夾, 原來鬼佬都有呢科。


R9 上市動力今日跑左一條超級靚線, 馬唔係冇能力, 但如此天賜跑線, 真係可一不可再, 下次要小心。自在人生馬好左 即到位, 呢個練馬師的馬一般可以維持到幾場的。喜勝駒馬唔差但弱弱配, 祈加摩呢對組合至少要有5倍以上。


R10 要為上簽拍手, 贏極都有, 頭二馬以後一匹短途一匹中距離均可企穩2班。皇龍大將亦可列入超級銀行馬系列, 經常有好分頭而遇啱形勢便能入圍。


R11 志同道合必定係好馬而初出欠一點經驗, 敗於美麗寶貝實在無話可說, 反而紫雲星 又再跑返唔錯水準, 輸左幾場之後呢場又入位置, 以後預佢繼續反覆, 正正有做超級銀行馬的潛質!


是日跟進馬: 超級銀行馬佳運來、揮闖、運財童子、勝利寶石、皇龍大將、藍天寶馬、紫雲星

0 views

Copyright © 2018 Racingbloggers.com.All rights reserved.  Disclaimer/Private Policy

  • Email-Logo