2018/3/21 賽後筆記



R1 : 一場超慢步速的5班長途賽。港林福星賽前準備功夫直指今場, 可惜步速往往是最難估計的, 而此駒本身後上跑法先天被動, 拚完一仗後希望態況仍可保持, 5班長途實在太水,稍有能力健健康康不愁冇仇報。


R2 : 帶盈來於4班無論如何有一點班利, 但仍以谷草較有把握, 4班田草不時遇著質新惡馬, 應集中主攻谷草贏馬交代。雷霆導彈已見好, 但此場弱配而末段走位欠順, 估計會繼續跑而好快可以起筷。


R3 : 紅旗星將原來均速才是其殺著本領, 很好的後追變均速的例子, 谷草對放頭馬多數有利, 再出遇好形勢仍可上名。一支梅馬仔細細130磅以盡所能, 此馬不易發揮,然而處此評分負重磅顯然捉襟見肘。


R4 : 金碧輝煌於有利內檔用埋雷神都只係第3, 評分漸盡。喜菜於賽前泥閘明顯回復生氣, 話唔定短期內再報名出賽。 


R5 : 追風追月用田草級數過黎恰對手係正確部署, 本身有谷草閘根據, 有埋內檔, 大熱合理而尚算好分, 需要注意兩點 : 1. 前速銳利的馬 2. 在谷草閘有好走勢的馬 , 初跑谷草一般是OK的, 而不符合以上兩點的馬多數9死1生。 話得事係一隻唔叻嘅馬, 買佢其實係買緊個練馬師, 呀蔡一朝放手, 可以不理。


R6 : 幸運時代用足100分誠意去跑呢場, 結果都係輸, 時也命也, 其實佢可以考慮跑3班評分區域, 最重要係唔使負133磅, 對於只有1055磅的馬, 負133磅係幾攞命的。


R7 : 咪走寶於4班快時間贏1650, 上3班輕磅好檔成熱是理解的, 不過同場其實亦有不少快馬, 假如放頭嘅唔係佢而要佢追馬就麻煩, 所以臨場2.6倍係熱過頭。 嘉應之友明顯復甦, 狀態再進幾分已接近取勝邊緣。


R8 : 上海大師對上一仗全程外疊而入到位係能力指標, 轉排較內檔位即勝, 3.4倍適中而稍稍偏熱。勇敢傳說早段落腳太慢而馬冇口, 跑短途次次讓菜便難制勝。


是日跟進馬 : 嘉應之友 , 本身谷草與泥地均合, 處於3班必然有一定優勢, 轉馬房後亦需交代, 很快可以起作用。


2018/3/26

0 views

Copyright © 2018 Racingbloggers.com.All rights reserved.  Disclaimer/Private Policy

  • Email-Logo