2018/3/25 賽後筆記



R1 : 常山耆寶初跑泥地即勝, 賽前試泥閘已見其走勢頗為俐落, 加上潘頓今季搏殺得心應手, 最意想不到是其放頭跑法, 就此絕塵而返, 然而4、5班差距甚大, 文廊少有連捷馬, 下次再出 要有介心。


R2 : 龍串鳳初出一役取勝難度頗大, 第二仗即走樣, 值得留意是 Charge Forward 此父線經常是較利初出, 第二仗即不外如是, 例如大武士、神火金剛皆初出甚勁, 而次仗失手, 加上麥菲文馬房比較飄忽, 此系馬暫不值得作為重心對象, 只宜單Win。


R3 : 帝勝之星長期難贏, 卻每見受追捧, 此馬亦係久休初出的一仗最勁, 連場搏殺的情況下買Win唔抵。


R4 : 開懷大少很難得地於上仗獲得其首場勝利, 實際上此馬十分尺寸, 該役是走位甚好而配合利追的情況下僅勝, 季中至季尾階段開始愈來愈利放頭, 因此再出再熱要小心。


R5 : 猛闖能力其實不高, 但其前領跑法能經常賺到形勢, 假如同場有其他馬比佢快, 處於3班你要佢追人多數追唔到, 但假如得佢自己一隻放, 就要高度小心, 還有另一個好處是此馬毫無星味, 因此常有較好分頭, 這是其另一優點。


R6 : 精英寶貝今日賺左跑法, 馬頭繼續偏側繼續內閃, 今次蹄下敗仗只係八心之友君悅灣, 勿因其大勝而過於高估, 只要同場有馬比佢更快, 要佢追人亦係好難, 但其好處是性格忠心, 應該將會係此馬房較為穩定的一匹, 同日3組泥地1200當中時間最快係佢, 伸算升上3班仍然可爭, 但一日未改善毛病, 當緊兵相接時便非常吃虧, 搏唔搏 Win 當然要睇對咩對手, 但此馬房的馬點都要比返些少倍率才值搏。


R7: 低水準賽事, 盈利駿馬其實已經有多少退步感, 今日羸在其決心同潘頓跑到上晒電, 升回2班作賽又要坐艇。開心歡星賽前做好晒嘢以為試準泥地得, 點知又係位置, 馬能力係咁上下了, 輸多1-2場落4班睇下遇唔遇到較弱對手, 是但一隻有能力的質新馬都唔驚佢, 頭馬一但要有其殺著, 此馬最大的問題是冇殺著。


R8 : 友風子雨係唔錯嘅馬, 上場初出1200其實最後幾百湧左兩下, 但長力未養成, 而縮落1000今次比上次更加走光, 要繼續留意其進度, 不過下次多數冇99倍了。 多紅利係1000專家而實力止於3班。公證福將始終在谷草展現過超卓能力, 回師谷草要再跟, 方廊今季成績只一般而田草亦不是其遊樂場, 久休復出, 即管當佢試一課快閘。


R9 : 頭馬其實應該係得勝駒, 今日輸左個檔, 精明才子檔位比佢好得多因此亦攝得較靚, 不過得勝駒已經一連搏左好幾場, 2班如遇老弱殘兵還好, 再遇質新對手未必一定可勝, 而預期此馬多數偏熱, 又要後追, 因此不應該是我們喜歡跟進的馬。


R10 : 香港跑馬在轉入直路之前放離超過2-3個馬位已經可以列入中至大逃, 帝豪寶寶其實就係典型要咁樣跑的馬, 遇啱形勢而其狀態又好便經常可偷, 3上2阻力不大, 上班後仍然有重視必要。精算風暴初遇同場快馬, 畢竟其上仗只係贏唔識出頭的帝勝之星, 升班預上超快步速便吃力, 以其台型必有上乘質素, 唯一缺點是下次出賽其倍率未必足以反映賽馬涉及的風險。


是日跟進馬 : 公證福將 , 回師谷草1000-1200, 需予跟進


2018/3/25


0 views

Copyright © 2018 Racingbloggers.com.All rights reserved.  Disclaimer/Private Policy

  • Email-Logo