2018/3/28 賽後筆記




R1 : 金童前次谷草已展現走勢, 上回於田草亦能入位, 今仗回師谷草再拚, 賽前泥閘一般但北半球馬勝在仍處年輕力壯階段, 健健康康總能於5班找到頭馬。快樂世紀於賽前亦勝出田草1000閘而姿態輕鬆, 臨場落飛合理。 熱門葵涌老友非常不穩, 未在此路程入過位加排不利之12檔, 大部份人都計到牠有很大機會不入3甲, 結果回到4.9倍開跑。


R2 : 永益善終於打開勝門, 事實此賽已經是其黃金機會, 因為同場對手甚弱, 要知道此馬過去的對手是咪走寶歡喜心等可以在4班多捷的馬, 蜀中無大將下當然要把握機會, 有趣的是此馬過去都是大騎師的坐騎,初配本地牌仔卻即開齋 , 難得。


R3 : 勇者勝上次抽內檔賺晒之下拋離對手勝出,今次又抽內檔,馬有實力兼夾好彩。發揮較差的一匹是再創商機,橫睇掂睇隻馬已經到晒位,呢場我亦信佢會去,可惜沿途3疊跑來亦不順,返黎都有第四, 此馬於4班谷草跑1200係大超,問題係難於發揮,下次要睇佢排咩檔同咩人跑。 金碧輝煌搏得太密,本身評分亦已盡。銀亮之星其實對上兩次都衝得好,馬黎得好快,值得繼續跟進。


R4 : 加州議長排得好檔又輕磅又雷神,贏馬合理但只贏電子群英一條頸,未係班頂馬住,此馬泥地性能不俗,如有泥地賽程,一樣會惡。駿皇綵沿途位極靚,返黎只跑第4是有點失望,大摩馬房遣馬過谷草但往往不會先試谷閘,已經輸左N咁多隻,初跑谷草冇谷閘係10跑9輸已經係常識,我完全唔知佢想點。真好彩似乎真係有點內在問題,本身係一隻跑fresh幾好的馬,但竟然跑包尾,暫時唔可以當佢係以前果隻馬了。


R5 : 和諧小子換上牌仔即勝,實在佢本身在谷草戰績彪炳,唔用13届冠軍當然更好,快放馬用大師傅作用其實不大,尤其在中下班次。魅影揚飛其實唔係咁差,但其情緒容易緊張,谷草夜馬聲浪及距離人群較近,既然已經在谷草輸左咁多仗,何不返田草試試呢 ?


R6 : 服左大雄圖,馬仔細細負132磅,沿途脫離主馬群2-3個馬位,走位係11,11,11,10,1 , 好似打機咁,腳質係 “追” , 最後使出光速之末腳,精彩精彩。要注意的是頭3甲馬亦是本場負130磅以上的馬,顯示谷草頂班場合絕難偷雞。


R7 : 飛霸龍沿途2疊望空跑有第四,初跑谷草算係咁。勇闖者最近在沙田所跑的賽事級數甚高,回師谷草贏馬亦合理。再石磨藍憑勇入Q ,馬評分漸見頂了,當然遇到弱組3班 仍有權爭,上升空間則有限。


R8 : 海利多連捷, 始終谷草1800係佢最佳路程, 贏甩卻有點意料之外。勝利仔一次比一次好, 不過佢上季3捷, 最近每多入位, 評分亦已飽和了, 幸好其狀態似在提升階段而不像只是食老本。歡喜心升班初跑谷草1800遇著頭2名馬是明顯輸了經驗, 今日跑第3其實已經表現好好, 以蔡廊馬的部署手法,此駒征服3班沒有難度。


是日跟進馬 : 再創商機 , 狀態已經起得好好, 再跑師谷草1200、1650均要高度重視

12 views

Copyright © 2018 Racingbloggers.com.All rights reserved.  Disclaimer/Private Policy

  • Email-Logo