正如開篇文章指出跑道形勢重於一切, 現今臨場大戶落飛明顯亦巡此方向定奪, 因此切勿過早投下寶貴的注項, 只有視下注為娛樂的不在此限。

R1 好友益之勝其實非常合理, 排得1檔好位而馬匹本身其實未沉, 上場於田草作戰冷至90倍,其取位亦毫無誠意, 今當然把握良機。雷霆導彈放頭跑其實已很不錯, 於4班負中至輕磅要時刻訂緊, 配祈普敦卻會打些少折扣。自由飛翔根本在田草也不輸遠, 回谷草1200入位亦合理, 看馬房如何部署吧, 落到5班季內當可再添1 win 。

R2 柏寶發揮獻惑真的要比讚, 此馬不易駕馭, 其實此騎師不是那麼差, 可能是線路或幕後關係經常沒有牌面馬騎吧。喜歡盈演出比想像中好, 下次遇利追形勢便有機出頭。飛馬再威本身評分不是有利, 而用潘明輝雖減5磅,但看來在騎功上卻完全抵銷了。

R3 很難食得出的大四喜終於食糊, 之前在田草1400 的磨練對於今仗是有很大幫助的, 但馬匹能力真的止於谷草4班中而已。反而驫驫及盡開顏的前景比頭馬更為秀麗, 尤其是後者, 預期亦很快會有頭馬見面。

R4 快閃的似乎在谷草找到出路, 3、4班差距不算大, 今場亦算是拋甩贏, 姿態不錯, 仍可再跟。一支梅已連拼4場, 始終馬仔細細, 體力上付出明顯多, 加上今晚對其形勢不利, 無論如何, 此馬亦不算超, 用左4場係要回的了。

R5 鞍歌始終贏不到, 跑晒的了, 除非馬口有大改善, 不然於3班要取勝甚不容易, 而每次都是熱門也不是我們的重心對象。隨我來試幾課閘都肯追, 初步見馬應該有一定作戰能力。

R6 靚紫荊的發力點於谷草剛剛恰到好處, 以今晚跑道形勢對其跑法殊不容易, 以其走勢應仍有分在手, 看練馬師的保養功力如何了。放眼量是少數於谷草即使排中檔都可以跑法機動而經常入前4名的馬, 可以說是谷草特佳馬。銀豐神駒跑啱晒而只第4, 暫時對此練馬師的Keep馬能力及整體能力只一般。

R7 又係柏寶表演, 連利之星以全場次冷門勝出可以說是贏在其走位及步速控制能力。綫路光輝已交出100分誠意, 下次雷神繼續騎當可留意, 不過賠率一定繼續熱。威信排3檔走3叠, 入直路馬亦毫無追勢, 臨場冇飛真係騎練都配合到十足。

R8 力奇先鋒又係威信配搭, 飛數不算硬凈, 馬係好馬, 但初跑谷草冇谷閘, 輸馬機會係超超超大, 練馬師及行內人唔會唔知, 過黎谷草求敗或當回氣賽吧。已提過勇敢傳說此馬過於被動, 前景受限制。大風暴末段推騎不算狠, 雷神的座騎都係有飛好過冇飛, 忽然想起頭文字D 的一句經典對白, “神都係人” , 冇錯,既然係人, 就會犯錯, 犯應該犯和不應犯的錯 !

是日跟進馬 : 盡開顏 , 一再劣勢下於谷草上名, 應有足夠把握攻堅