R1 : 曾經係有諗過團圓豐收, 不過只視為3、4重彩腳 , 一定勁更加諗都冇諗過, 賽前估計辣辣椒多數會盡力搶埋欄賺到B+2 放頭形勢, 而奇異晨曦可在1檔搵機會殺上, 結果賽前預計的呢幅圖紙變成了一疊疊費紙…

R2 : 頭4名馬匹冇一隻入過3甲, 水準甚低, 頭馬帶榮來日後成就如何先不作估計, 單以上仗沿內欄慳位走近而末段受阻後卻冇勢的表現, 這場頭馬完全是歸功於極弱組, 當然頭馬有配備改變或者真的加強了其戰鬥力, 不過下仗對著比較正常一點的4班對手, 要小心其能力是否真的可以再勝甚至入3甲。

R3 : 輝煌星韋達總算做返場好戲, 其實如果爭氣一點, 上場已經贏了。對於妙算達人有點失望, 或者此刻羅廊的氣勢真的並非如季初般強, 無論如何此馬早熟, 應該亦很快會再上陣, 再出仍可留意但不值過熱, 重點仍然是羅廊, 要小心其下馬匹於上半季用得太急,大部份都評分飽和這個事實。

R4 : 蔡廊又出了一匹襟跑襟捱的大舊飯, 友瑩囍3歲仔已經1200幾磅, 呢個馬房操起左的馬好多時會不斷跑不斷上, 如此大隻佬身形加上機動跑法, 長線會係幾有用的馬, 不過係幾冇賭頭的馬。有斐君子馬仔細細 133磅由田換上杜, 加上呢個父系新鮮感特佳, 上次出賽搏得咁勁,今次走樣十分正常, 唔使介懷, 比佢休息下或者上3班負輕磅會更好。

R5 : 必得勝跑得返於此組確係明顯高一籌, 新仔做到應該做嘅野, 嘅然此子識贏識上名了, 就要開始對呢個新人特別留意了, 每年呢個時候, 尤其愈接近季尾, 10磅嘅威力係何其重要, 近年蔣小妹、火車潘、巫顯東一個二個人版, 呢點必須要特別存記, 再講多一次, 揸住呢10磅, 只要你有基本策騎能力, 一定會多馬跑, 一定會多機會, 全人類都希望借呢10磅做野, 僅記!

R6 : 感覺上呢組又係弱, 真心冇乜邊隻馬或人值得一提。

R7 : 頭馬係犀利, 更犀利嘅其實係個練馬師。估惑隻馬 “有口”, 所以估計將來佢都會場場放頭, 唔會再亂咁留的了, 除非果場佢好想輸, 如果有一日佢存心唔放, 大家可以睇下同場會益左邊隻馬, 話唔定可以睇到 d 關係圖, 講返隻馬,以其放頭跑法, 預計好快會征服2班, 跑泥地甚至係2班頂的馬。

R8 : 贏風雲呢場頭馬已經打到飛起, 有交代的了, 上返3班短期內不宜再跟。安喜有心偷呢場馬, 臨場飛數最勁係佢, 以跑法計, 最有誠意亦係佢, 細心睇下呢隻馬過往嘅走位紀錄, 係極少會積極到好似今日咁, 即係點? 呢個騎師, 呢個馬房, 幕後賭錢的大戶, 以後, 有飛, 冇飛, 以上呢幾個詞彙, 唔使多講了。

R9 : 幾佩服猛闖, 時間唔慢而佢算係前快後亦不慢, 放快佢少少的飛越峰都散左, 佢頂到呢個第2算係咁, 可能馬真係有點進步, 當然有10磅有1檔都係因素。 駿風馳計埋呢場只跑了3場, 進程係 1200 – 1400 – 1600 , 可以話跳得急左少少, 但馬血統上係有長力, 以其今日走勢確係唔錯, 不過呢個馬房似唔係太過可以倚重的對象, 質新馬多但勝出率偏低。

R10 : 協勝神駒贏馬合理, 末段造22.39 而不算太吃力, 季中起步賺了體力, 上2班會繼續贏, 保持進度有機會上一班, 當然陣上唔好再好似初出咁樣0走位全程發夢就好。佳知武士攞位不太明智, 入直路明明大一大個位比佢穿上佢係要走到最出, 呢場馬第2其實應該係佢的, 咁樣輸法真係自己攞黎。 記得唔知係咪上年, 蔣小妹騎Tony 隻上利多好似又係因為走位問題比馬會重罰, 咁雷神呢場…