2019-10-1 "大籐王" 極上等級



終於迎來本季首項級際賽 - 國慶盃 (G3) , 寫 racingbloogers 賽前預測其中一個重要目的, 係要紀錄級際賽事或重要盃賽的形勢分析, 因此除了本文主角, 其他若干馬匹也會盡量補多幾筆, 冀望做到相對全面的剖析。


1. 小巨人 : 早年體弱傷患較重, 因此整體出賽次數偏少, 然而此馬質值頂級, 上季尾已征服三級賽, 本身亦係極利新鮮感, 是此賽其中一匹爭勝份子, 估計3甲機會甚大。


2. 大籐王 : 同樣係級際賽頭馬, 級數比1號更高, 最近4場分別出戰1、2、3級賽, 冠亞季殿各一, 跑中短途已值全港10大好手之一, 其於中短途上名的能力, 縮程落1000可能佔盡優勢, 尤其是上季尾竟然養成早段能以高速競跑, 相信是賽早段此馬應不會落後, 其身形重達1141磅, 比起1號有更大優勢, 末段爆落應可予取予擕, 3大熱門當中以此馬最值搏。


3. 有理共想 : 上季中尾段遠征杜拜, 回港後暫未跑回過往本色, 實在過往港馬遠征杜拜後大多跑唔返, 也難怪大摩死都唔比美麗傳承冒險, 加上此馬最叻只在G3 跑第3, 正常情況下很難有突破。


4. 激賞 : 一再指出此駒馬仔細細, 在香港跑沙田高班短途難望有出路, 非常下風。


5. 美麗滿載 : 上季由4班起步打叠連贏5場, 最後3場已見評分逐漸飽和, 亦不排除是體力問題, 今次受讓1,2號馬20磅乃唯一優點從而造成均勢, 然而其級數仍有待證實, 論目前實力與1,2號馬肯定有一段距離, 成熱不值。


6. 旌暉 : 已經跑到8歲, 往往只能趁對手跑錯或古怪形勢才能突擊, 馬仍忠心, 跑3344已經當收貨, 但論值搏率卻係好過5。


7. 樂滿家 : 如果跑呢隻出黎, 我會覺得呢場馬可以完全 forget about it.


0 views

Copyright © 2018 Racingbloggers.com.All rights reserved.  Disclaimer/Private Policy

  • Email-Logo