還記得英明勇將於出道時的首仗令我眼前一亮, 認定這匹馬具有相當質素, 結果次仗我落重注買佢Win, 最後, 贏是贏了, 但過程比我想像中辛苦得多, 兩場勝仗換來的加分,竟然令此馬整整坐了一季多的馬監, 經過評估, 此馬的實力大約只值3班中至中下級, 路程方面是1200最佳, 1400已甚勉強。
英明勇將雖已年届8歲, 但今季初兩仗在3班的走勢均頗值得參考, 首仗角逐3班1200, 最後200米幾乎冇跑過, 馬匹有一定去勢而不是遠遠落後放棄競賽的那類, 次仗完全望空而交出全場最快末段, 而這兩場馬的水平屬於3班中級別, 當時已立為存記, 此馬落班隨時變身做大佬。
終於隔12日後見此馬在本周日的一組4班1200掛頭牌現身, 由黎水榮改配何澤堯, 由上場的14檔改為3檔, 利好條件已集於一身, 趁馬仍有角逐興趣, 相信應該不會刻意保留了, 怕, 就只怕此馬不利勤拚, 然而頭馬未到手, 希望練者咬實牙根砌埋呢場, 一注單Win 實在走唔甩!
同場對手方面, 發財寶落返1200有10磅仔擺在前面叫糊係正路之選 ; 宜春之星感覺大有進步, 會係此場熱門份子; 特駒聯盟馬樣討好隨時一網打盡, 預料此馬有相當前景。