花開堪折直須折, 莫待無花空折枝 - 這是我對香港馬王美麗傳承的感慨, 一代馬王, 於生平最巔峰璀璨的時候, 選擇繼續留守故地當其地頭蟲, 去破甚麼連續多捷的紀錄, 另一角度, 只是怕輸怕萬一功敗垂成而影響本季的部署, 然而, 任你在香港繼續贏落去, 也未必及得上精英大師; 任你再贏多一届香港一哩, 最多也只是平了好爸爸的紀錄, 上年是馬王外出爭戰杜拜或東瀛的最佳時機, 錯過了就是錯過了, 今季第一場敗仗縱有藉口, 到第二場落敗已見力不從心, 個人以致大部份香港馬迷固然希望馬王跑得返, 但若然真的無以為繼, 也只能以平常心接受一代巨星的悄然而落。

港隊第二批隊有能力保住獎盃的要數"夏威夷"及"嘉應之星" , 兩匹馬上仗均於馬王之前過終點, 兩匹均為上届的4歲馬要角, 夏威夷勝在演出極穩定, 實力已接近國際一級中水平 , 我預期本場其機會絕對不在馬王之下, 跑出101分甚至有力拚勝; 而嘉應之星的潛質可能更高, 但真正實力未必在本場浮現, 此馬於本年下半季或出年可能會上到另一個層次, 我們即管拭目以待, 呢場我唔預佢會贏到, 但亦會係好近嘅馬。

日本隊今場3路興兵, 派出 Indy Champ 冠軍車手 , Admire Mars 頌讚火星 及 Normcore 樸素無華, 論級數亦係Indy Champ > Admire Mars > Normcore.

Indy Champ 在日本出賽里程只有12次， 獲７冠1亞２季２殿，當中包辦了今年的安田紀念與冠軍一哩賽，屬當地目前最頂級且銳氣最盛的一哩賽駒，申算其能力與全盛時的"滿樂時"已十分接近，論馬近幾朝在田草晨課亦係極之悅目，即使美麗傳承在最當銳之時亦未必有十足把握將之擒下，因此周日一戰，Indy Champ 的機會實是高唱入雲，在支持港隊與支持最好的馬獲勝的抉擇之下，我必定係支持後者，我有信心此馬若跑出水準，將會是本場的真命天子!