2019-12-8 HKIR-G1- 香港盃











要數4場國際賽當中最具懸念的一場,莫過於獎金最高的香港盃,"杏目"不來,頓變成蜀中無大將之局,要找出一匹具冠軍相的馬殊不容易,庸中取佼,就讓我們逐一分析各路人馬,篩選最合理的頭馬對象


1. 勝出光采 : 有中山之虎的外號,短直路每能發揮其後勁,然而大抵亦只是日本G2馬,年初勝出女皇盃有點意外,不排除此馬遠征特佳及適應沙田,但僥倖嘅事可一未必可再,佢唔係我頭馬嘅選出。


2. 跳出香港 : 前仗勝出沙田錦標屬出色表現, 但上仗初跑2000落後4馬位輸比添滿意及川河尊駒,呢場盡人事會搏命但是否馬上有突飛猛進的表現是稍存疑問。


3. 馬克羅斯 : 前仗跑得不錯但上次又打回原形,兩兄弟同場就是相煎何太急之格局


4. 歡樂之光 : 呢個馬房今年整體似發緊夢, 所有其出賽馬要打個好大的折扣,見佢排位抽籤當早一直係黑口黑面,認真係由頭黑到落腳。


5. 達龍駒 : 臨場落雨會加少少分,否則同4號一樣而級數更低。


6. 添滿意 : 港隊唯一希望,但亦係出自呢個馬房,你最多只能夠希望佢跑出贏打吡的8-9分水準,而跑出呢個水準是否夠贏,自己諗。


7. 巫師杖 : 跑左廿幾場先贏到一場G1, 除非係晚成馬,不然能力亦不足以在G1賽事呼風喚雨,可爭而未必有把握拚勝的馬,但級數上可能已經勝過本場大部份馬尤其是不在狀態的馬。


8. 伊迪莎 : 庸中取佼 , 無論此馬的賽績、里程、甚或受讓磅的條件,已經足以在此組爭勝,我必須承認本届國際賽事當中可能香港盃反而是低水準的,但你睇完上述咁多匹,有幾多你真係揀得落手 ?


沒有Almond Eye 的香港盃,最多只是一場二級中水平的國際一級賽,祝伊迪莎凱旋而歸,日後有機會再挑戰凱旋門,做返當年海都市做的野。


0 views

Copyright © 2018 Racingbloggers.com.All rights reserved.  Disclaimer/Private Policy

  • Email-Logo