香港短途錦標始終係歷來港隊最有把握的一關, 由第一届舉辦的1000直路賽靚蝦王初露身手直至今天, 絕大部份均由本地訓練馬獨攬3甲, 偶然只有像龍王這般超一流頂的馬王才有機會挑機成功。今届更只有兩匹外隊對手, 澳洲代表"芳華正茂" 睇黎只係志在參與, 印象中馬女在此項賽事, 亦只有東成西就與靚蝦王串Q, 當然那時候還未升格至級際程度, 其次較有印象的是日本代表真誠少女與更早期的目白情人。 澳洲本身很多馬女都有非常超卓的表現, 隨便一數便是Winx, 魚子精華, 日平線, 戴花, 齊齊跑..等等等等, 不過肯定這匹"芳華正茂"是低很多很多級的馬...
另一匹海外參戰對手是 野田重擊 Danon Smash, 無疑此馬一定是日本短途前三名的好手, 本身亦係"龍王"之子, 不過級數上感覺仍然爭 d , 在日本贏幾場group race , 水準放在此組別只係夠跑而難爭勝, 即使係壓到佢的 London Tower 過黎對住今届香港呢班老虎多數都係冇運行。
本身唔係咁鍾意貼大熱門, 諗過爭分奪秒呢場可以更有威脅, 但係請大家一再睇返"忠心勇士"今季呢3場係點跑, 你根本搵唔到理由特登搵隻馬去打佢, 唔係話隻馬一定贏硬, 跑馬嘅野, 有可能係輸騎師的, 希望潘頓呢場坐穩, 比隻馬自己跑自己已經夠贏的了, 如無睇錯, 呢一刻嘅忠心勇士已經有世界一線頂級水平, 呢場G1就係佢挑戰海外嘅stepping stone , 美麗傳承幕後唔肯出去, 希望呢隻會幫到大摩完成海外制霸的心願。
對手 :
1. 爭分奪秒 - 出賽到現在未失3甲, 預期呢場亦會好跑, 前面有忠心勇士旺蝦王等快馬, 呢隻係本場最大伏兵甚至有權挑戰任何對手。
2. 翩翩 - 上場久休復出演出唔算差, 但短途馬始終過了巔峰銳氣, 即使能發揮年少時的最高水平, 在此級別亦只可爭位, 除非臨場步速古怪而莫雅施展大外一氣, 整體難。
4. 旺蝦王 - 上場亦係久休一年而表現出乎意料地好, 以John Size 一貫模式今場可能會更好, 有權挑戰, 有3甲機會但未有冠軍相。
10. 四季旺 - 本場之冷腳所在, 此馬極利跑 fresh, 練馬師睇通呢點, 贏完上場之後專登比佢skip 上次場G2而留力呢場, 如臨場利外追, 呢隻馬唔可以放低, 佢係隨時可以用本身1600級數落黎掃晒呢班馬的。