2019-9-11 "妙算達人" 猛龍過江



賽馬世界有一句至理名言 - horses for courses. 中文亦有謂猛虎不及地頭蟲,當中實在不無道理。 對於一匹有兩季田草作賽經驗的馬, 忽然突襲谷草, 正常來說我一般會對其打一個不少的折扣, 但今次我會作出例外的抉擇。


妙算達人係racingbloggers 其中一隻大力品題並予以厚望的馬, 果然上季踏入成熟期後即攻上4歲頂級組別, 以超級大冷門身份於 香港經典一哩賽 殺入亞軍, 繼而再於香港經典盃造出1:47:00快時間由頭帶到尾擊敗同齡對手, 後來雖然在打吡落敗, 但其在陣上一再展示出佳速及不錯的纏鬥力, 今季如續有進步, 110分以下應該頗有競爭力。


一向對於初跑谷草冇試谷閘的馬非常避忌, 翻查紀錄, 妙算達人於尚未出賽前試過兩次谷閘, 馬匹應該對此場地有印象, 我不在乎佢谷閘的名次, 最重要係佢黎過。 今次呢組只係2班1650米, 妙算達人係田草跑級際賽嘅馬, 級數高出一截 , 加上排到2檔, 正常起步後應該很容易佔據內檔, 預期 綫路光輝 需要克服9檔, 出閘後應該會搏命搶出, 妙算達人守第二位, 只要鞍上人醒目於出彎位發力, 正路應該冇3隻馬可以過到佢。

10 views

Copyright © 2018 Racingbloggers.com.All rights reserved.  Disclaimer/Private Policy

  • Email-Logo