我對血統係好有興趣但絕對唔係血統專家, 不過優秀公馬、牝馬嘅名我多數係記得嘅, 乍看精彩飛動之父線原來係 Urban Sea 海都市之後, 母父源自Danehill, 在我等行外人眼中, 已算係一身名牌, 至於箇中是優是劣 , 還待同文拍檔有空剖析, 我便不作班門弄斧了。

精彩飛動於前季落地, 整季幾乎冇場好睇, 典型歐洲馬落地需時水土適應, 上季中加盟方仔後即成另一匹馬, 演出開始穩定而且重拾升軌, 練者本身谷草特佳而此馬暫時亦止於谷草展現極佳衝刺力。

此系歐洲馬只要一開竅, 多數襟跑襟搏, 雷神賽前幫佢試左個閘, 反應唔錯, 過終點後持續上前, 如進度理想, 以此馬目前評分 , 今季在谷草隨時贏2-3場頭馬, 今次季內初出負118磅輕飄飄, 又係雷神表演四角先頭之時了!