賽馬學裡, 有一句術語叫做新鮮感, 英文簡單一個字 - Fresh! 有時唔到你唔信, 有些馬的確在休息一段特定的時間後再出賽, 會有超班演出, 隨便舉個例, 以往有馬王級的精彩日子, 可以跑fresh 跑到贏香港一哩, 又例如剛周日的百勝龍等, 多不勝數。

本場其實有兩匹馬都是久休特佳的, 一匹是亮先生, 另一匹便是電子大師了, 然而亮先生強配潘頓, 相信賠率會比較乏味, 估計電子大師可能會比較有 value, 大家一齊爆出跑 fresh 的小宇宙, 到時邊隻過終點先, 呢一刻當然說不準, 但係投注上我多數買較冷的那匹。

當然, 電子大師還有一個優點是亮先生沒有的, 全宇宙的直路賽, 無論跑幾長距離, 你一定一定要秤先可以再跑長少少的馬, 例如田草直路1000, 假設那匹馬剛剛好只有1000米的長力, 而有一匹實力相約, 有能力跑多幾百米的, 那就一定選後者較為著數, 因為在眾多路程當中, 如果有留意,只有1000米的末段是減速的, 通常第二段係開到超快, 去到尾段大家一齊捱返黎, 假如你有一定的後追加速力, 當實力相約時, 有耐力的那匹馬便會有更大的優勢, 電子大師話晒係贏1200的, 比起亮先生, 這點是稍勝一籌。

我預計電子大師的臨場賠率可能會是5賠左右, 我認為這賠率是反映到牠的爭勝機會, 如臨場有8-10賠, 我甚至會賭得更大!