2020 HKIR 香港一哩錦標



1. 美麗傳承 – 花無百日紅,任何一匹皇者都有退下的時候,美麗傳承一生勝出18場,大部份都係級際賽,無可否認佢係一代馬王,即使上季明顯退化都仲贏緊3場,真係對得太公婆有凸了, 不求本場能再現奇績,只求能順利完成比賽就好了,無論跑第幾,我們亦應該向一代馬至致敬,美麗傳承絕對係香港史上其中一匹最勁的超級馬王。


2. 金鎗六十 – 新一代馬王,後生就係後生,如果全盛時期的美麗傳承與全盛時期的金鎗六十對戰,誰勝誰負亦未可料,由此可見,金鎗六十已經非常接近超級馬王的境地,能夠14出13捷嘅馬,每場勝仗皆以玩敵姿態,有如此能耐,已經係絕無僅有,初時我曾經一度懷疑過佢嘅能力係咪咁勁,但上季至今季呢10連勝,我已認定此馬係一匹傳奇。


3. 頌讚火星 – Admire Mars 今年跑過幾場,最叻只係跑過一場第3,本身兩歲仔贏朝日盃,3歲贏NHK, 能夠同年攻下上届香港一哩錦標已經係最大成就,似係早熟而見盡。


4. 嘉應之星 – 本身係一匹好準繩好好嘅馬,可惜生於戰國時代,早兩年遇到美麗傳承,而今年又要同金鎗六十跑,以至頭馬數字偏少,感覺就好似多年前的好望角一樣,屈屈不得志,向外發展可能更有利其本身,長期忠心長期近,本場仍然係有3甲機會的馬。 


5. 川河尊駒 - 亦不得不向呢匹8歲馬致敬¸ 誠然佢已經係本地一線賽駒,質素能力已經表露無遺,但係既生瑜何生亮,中距離有美麗傳承,跑長少少又有時時精綵,真係情何以堪,而家冇得去SG跑,情況就同4一樣,長期對住一兩隻馬王,論能力又係有3甲機會,但係贏就永遠唔到佢。


6. 夏威夷 – 呢隻馬跑新鮮感特佳,係勁得好恐怖嗰隻,今年唯有呢場,亦僅此一場可以挑戰隻2, 我認為蔡約翰做啱晒野,如果呢場馬嘅頭馬唔係2,就好有可能係佢,睇下儲埋儲埋呢舖,出呢個超必可以迫到隻2幾多。


7. 羅馬精神 – 本身贏過愛爾蘭二千堅尼同傑克莫華兩項大賽,級數上不存疑問,不過歐洲馬過去在香港一哩嘅表現係非常下風,呢場對手太惡,難跑。


8. 精明才子 – 完全唔夠班。


9. 高大威猛 – 上次初遇頂尖對手跑得唔算差,要一隻上季仲跑緊4班嘅馬一下子跳級跑G1,邊有咁多隻雄心威龍呀? 估計佢仲係有進步的不過佢亦係要遇著超級馬王,能參與已經好好,勿寄望太高。


10. 澳國勳章 – 本身跑開長途,但縮程比佢爆冷贏育馬者一哩賽就有 d 神,睇佢唔透亦唔識點樣評佢。

1 view0 comments

Copyright © 2018 Racingbloggers.com.All rights reserved.  Disclaimer/Private Policy

  • Email-Logo