1. 川河達駒– 外地賽績固之然亮麗, 屬於近年入口最高評分賽駒, 贏得珠峰大賽實力係無可置疑, 然而試閘所見馬只屬於初起, 雖然本場對手亦無甚超級份子在陣, 然而未得就係未得, 要同其他已跑起狀態的對手惡鬥, 難度太高, 假如成為熱門份子更不值搏。

2. 旺蝦王– 感覺有點似係終於輪到我做主角的味道, 事實上本身亦夠 class , 早年健康一度有挫折, 今季似跑得捱得, 馬狀態非常勇銳, 排檔亦好跑法機動, 今次絕對係佢的黃金機會首嚐G1勝利。

3. 仁者荃心– 本身泥草皆宜, 問題本身亦見盡, 上季用得太多, 唔太相信仲有奇績。

4. 遨遊戰士– 曾經一度係明星馬, 大眾對其頗有寄望, 實在此馬亦不負眾馬, 至今已擠身頂班行列, 然而亦差不多行人止步, 未能再進, 感覺只能在2、3級賽間中偷下雞。

5. 野田重擊– Danon Smash 本身係一隻好準嘅馬, 每次出賽都可以交出一段唔錯嘅追勢, 喺日本佢係一隻典型G2 馬, 上年亦曾經黎過香港跑呢場馬, 似乎級數上仲未可以同本地短途好手角力。

6. 倫敦塔– 上年光芒四射嘅日本短途馬, 級數比5要高, 問題係今年跑唔返, 遠征或者會為佢帶來新鮮感, 然而即使跑出本身最佳水準係咪代表可以喺度贏, 亦係一個問號。

7. 有理共想– 季初一役表現神勇 , 上場本身亦係有好狀態支持, 可惜無以為繼, 極有可能只係曇花一現。

8. 錶之智能– 冒起甚速, 本身演出亦準, 會係呢場其中一匹先行馬, 申算能力應有3甲機會, 要勝出此賽就要睇練馬師功力, 機會上未必及得上旺蝦王, 但長遠而言此馬仍係本地短途其中一匹有能力的好馬。

9. 大籐王– 實而不華的好馬，缺點係起步成日慢閘，如起步順利之下此駒絕對有能力問鼎，最近兩場亦走得唔錯，假如當日臨場利追，絕對係本場黑馬。

10. 日日精彩– 情況同４相似，曾經係短途新星，實力亦接近，不過演出相對反覆，季內亦冇任何 solid form, 較為下風。

11. 旌暉– ９歲老馬難得仲有兩腳，唔好太睇小佢，呢場可能佢係會近的，佢係有1400級數縮程同你跑，大冷腳話唔定係要拖佢一票。

12. 君達星– 由於SG 馬地獄火退出所以有潘頓壓陣，但賽績上佢已經話比大家知佢係一隻谷草馬，在沙田佢跑低20分。一直以來我好留意呢匹馬，在蘇偉賢年代成日輸到我焦頭爛額，可幸轉馬房後還其真身，總算冇睇錯佢。

13. 載譽歸來– 此馬在羅富全早兩年搏殺已經用盡了，跑唔返。

14. 當家猴王– 只係2 班頭馬,　贏緊萬事叻同跳出世界，已經唔使講太多。