還記得2018年香港馬季的國際賽日港隊大豐收, 囊括4項大賽, 然而今年的形勢與去年實在截然不同, 尤其日本隊派出空前最強陣容, 即使馬后Almond Eye 未能成行, 其餘團隊成員也屬當地一線響噹噹的角色, 賽前推斷, 港隊只有一貫強項短途錦標算有8成機會連勝, 其他場合實是岌岌可危。
香港瓶 :
我唔知道點解馬會譯呢匹 Lucky Lilac 叫 "旺紫丁" , 個名我覺得麻麻, 但係隻馬我就非常喜歡, 打從其2歲開上戰陣已經對其留意, 生涯初出4仗全勝,包括2歲馬女G1阪神JF, 翌年進軍3歲馬女三冠系列, 於櫻花賞跑第2, 優駿牝馬跑第3而在秋華賞首次甩3甲 (3次都係對住 Almond Eye), 需要特別留意的是, 此馬一直由日本2、3線騎手策騎, 真正實力的表現乃由上仗神蘇完美還原, 於年長馬女大賽女皇盃於內檔一衝而上, 當時"火星花"在前面造超快步速, Lucky Lilac 以"差"方式守於7-8位, 最後階段愈騎愈勁, 擊敗當届兩匹3歲G1 馬女 Loves only You 及 Chrono Genesis , 表現極為出色, 可以肯定兩點 : 神蘇比二、三線騎手更能發揮此馬的爆炸力, 起碼比以往騎高1班 ; 隻馬必定處於勇態, 比起同場另一日本代表Glory Vase 的近況更為銳利 。
況且, 周日一戰, 此馬幸運地抽到1檔, 按道理可以照版煮碗再次由內欄守好位入直路一攻而破, 有大樹"時時精彩"擔飛, 相信Lucky Lilac 加埋呢個咁核突嘅譯名"旺紫丁", 會有一定分頭, 買Win Q/QP 切記要拖實。
(2019 女皇盃 G1)
其餘對手 :
1. 時時精綵 - 仍然係雷台躉 , 抽14檔未必有太大影響, 坐二望一, 只嫌欠值搏率, 佢贏我都會開心 2. 耀滿瓶 - 貴為春季天皇賞亞軍, 與 Fierement 氣自豪 鬥得難分難解, 當然有返咁上下, 稍嫌隻馬更適合跑3000或以上途程, 上場於京都大賞典的熱身賽雖然略為受阻但亦欠勢頭, 擔心狀態未必達到巔峰, 同時其名氣及傳媒追捧, 多數比較熱, 合理配腳但未必值搏Win
9. 好好瑪 - 冷腳在此, 無他, 所謂猛虎不及地頭蟲, 純粹係搏佢呢樣, 贏就多數難了, 3344會有 d 機會
10. 迪雅卓 - 感覺今年一直南征北討, 體力成疑, 晨操狀態冇大問題, 初跑2400, 如跑出水準仍可一爭, 但相信1同2會比佢強
13. 御用畫匠 - 葉森打吡冠軍, 歐洲馬長途跋涉係會打 d 折扣, 以其尊貴身份參加香港瓶其實有點兒怪, 當然, 尊貴還尊貴, 贏唔贏到係另一回事, 呢 d 3歲愛爾蘭雄馬初跑田草硬轟轟, 瓜多過菜。