"笑傲成功" 仍是一隻 baby, 在港出賽僅兩次, 外地試閘3次, 看其最近一課閘的走勢非常稚嫩, 還需要時間慢慢學習與成長, 但我睇此馬的前景可能唔差。

上季初出一役, 此馬可謂毫無走勢, 最後包尾而回大敗17馬位, 一個月內再跑, 成為224賠超級大冷, 竟然可以沿途領放, 帶至最後100米才被過, 第二段快至21.61, 雖然第三段跑24.07有回氣位, 但末段又造23.13 , 初步推測此馬可能有一定潛質, 但亦可能只係曇花一現, 周六一戰係龍係蟲真係靠估, 唯一唔使估嘅係佢多數會冷, 以佢近期試閘仍然稚嫩同走勢一般, 理論上係火燒都唔熱, 如果臨場有20-30賠或更冷, 我會毫不猶豫買定幾百蚊 win 試下呢隻股有冇潛力, 有時, 全日勝負亦往往在一些沒信心的場合幫你一把, 多發掘人地未發現到嘅野, 就係你同你嘅對手勝負嘅其中一個重要元素。

講左咁多, 唔好以為我覺得呢隻馬好大機會走入黎呀 , 相反, 我係預佢輸嘅機會大的, 不過只要搵到一 d 好嘅 factor, 而佢又足夠冷, 咁就可以構成條件出擊的了, 你, 會唔會都試返一百幾十?